३ मंसिर, काठमाडौं । अष्ट्रियाले कोरोना भाइरसका संक्रमित तीव्र रुपमा बढ्न थालेपछि लकडाउन गर्ने घोषणा गरेको छ । अष्ट्रिया सरकारले सोमबारदेखि पूर्ण लकडाउन गर्ने घोषणा गरेको बीबीसीले जनाएको छ ।
अष्ट्रियाले केही दिनअघि खोप नलगाएका मानिसलाई मात्रै लक्षित गरी कडाइ गर्ने बताएको थियो । चान्सलर अलेक्जान्डर शालेनबर्गले सोमबारदेखि बढीमा २० दिनसम्म पूर्ण लकडाउन हुने बताएका छन् । त्यस्तै, आगामी फेब्रुअरी १ देखि अनिवार्य रुपमा खोप लगाउनुपर्ने समेत उनले बताएका छन् । योसँगै अष्ट्रिया कोभिड खोप अनिवार्य गर्ने पहिलो युरोपेली मुलुक बन्ने भएको छ ।
प्रकाशित मिति : २०७८ मङ्सिर ३ गते शुक्रवार
