नेकपा एकीकृत समाजवादीका नेता घनश्याम भुसालले एमाले अध्यक्ष केपी ओली राप्रपा र राष्ट्रिय स्वतन्त्र पार्टीको बचाउमा ढाल बनेर निस्केको बताएका छन्।
एकीकृत समाजवादीको प्रवासको संगठन प्रवासी नेपाली एकता मञ्चको भर्चुअल बैठकलाई आज सम्बोधन गर्दै उनले ओली प्रवृत्तिको आलोचना गरेका हुन् ।
क्रममा उनले राष्ट्रिय पूँजीको विकास नै आजको मुख्य कार्यभार रहेको उल्लेख गर्दै त्यसका लागि विचार मिल्ने वाम पार्टीहरूको एकता गर्ने पार्टीको लाइन रहेको बताए।
सानो भयो भनेर मन खिन्न पार्न जरुरी नरहेको उल्लेख गर्दै उनले नेतृत्व भने सही हुनुपर्ने बताए । उनले नेतृत्व खराब हुँदा ठूलो पार्टी भएर पनि नेकपा विघटन भएको नमिठो अनुभव आफूहरुसँग रहेको बताए ।
प्रवास समन्वय कमिटीका संयोजक श्रीप्रसाद शाहको अध्यक्षतामा भएको बैठकमा अमेरिका,अस्ट्रेलिया, युरोप, खाडी र एसिया प्यासिफिक क्षेत्रबाट प्रतिनिधित्व रहेको थियो।
