तुलसीपुर । नेपाली कांग्रेसको वडा अधिवेशनअन्तर्गत तुलसीपुर उपमहानगरपालिका–३ को वडा इकाइ समितिको सभापतिमा रेशम प्रकाश मल्ल सर्वसम्मत निर्वाचित भएका छन्।
तुलसीपुर–३ मा सम्पन्न अधिवेशनले मल्ललाई वडा इकाइ समितिको नेतृत्वका लागि सर्वसम्मत चयन गरेको हो। अधिवेशनबाट नयाँ नेतृत्व चयनसँगै वडा तहमा पार्टीको संगठनलाई थप व्यवस्थित र सक्रिय बनाउने जिम्मेवारीसमेत नयाँ समितिलाई आएको छ।
अधिवेशनबाट उपसभापतिमा केशरबहादुर ओली, सचिवमा अमरराज खरेल तथा सहसचिवमा इन्द्रप्रकाश मल्ल र गंगाराम विक निर्वाचित भएका छन्।
त्यस्तै वडा इकाइ समितिको सदस्यमा चुडामणि ओली, मोहल्ला ओली, महेन्द्रप्रकाश मल्ल, तिलकजंग मल्ल, तेजबहादुर खत्री, निर्मला चन्द, जयकली केसी र बिमला ओली निर्वाचित भएका छन्।
अधिवेशनले वडा समितिको नयाँ नेतृत्व चयनसँगै पार्टीको आगामी संगठनात्मक गतिविधि, कार्यकर्ता परिचालन तथा स्थानीय तहमा कांग्रेसको संगठनलाई थप सुदृढ बनाउने दिशामा अघि बढ्ने आधार तयार गरेको छ।
यसैगरी अधिवेशनबाट क्षेत्रीय प्रतिनिधिका लागि ३२ जनाको नाम सिफारिस गरिएको जनाइएको छ। क्षेत्रीय प्रतिनिधिका रूपमा सिफारिस गरिएका व्यक्तिहरूले पार्टीको माथिल्लो तहमा वडा क्षेत्रको प्रतिनिधित्व गर्नेछन्।
नवनिर्वाचित सभापति मल्लसहित सम्पूर्ण पदाधिकारी तथा सदस्यलाई अधिवेशनमा सहभागी नेता–कार्यकर्ता तथा शुभेच्छुकहरूले बधाई तथा सफल कार्यकालको शुभकामना दिएका छन्।
