दाङ तुल्सिपुर
जिल्ला ट्राफिक प्रहरी कार्यालय दाङमा कार्यरत ट्राफिक प्रहरी जवान निरज भण्डारी लुम्बिनी प्रदेशभरको उत्कृष्ट ट्राफिक प्रहरी घोषित भएका छन् ।
झण्डै एक दशकदेखि नेपाल प्रहरी र ट्राफिक प्रहरीमा कार्यरत भण्डारीले दाङ जिल्लाको तुलसीपुर बजार क्षेत्रमा ट्राफिक व्यवस्थापन, पार्किङ व्यवस्थापन, जेब्राक्रसिङ मार्किङ तथा चोरी गरी चलाएका लु ४३ प ४०५४ र रा ३ प ४६५८ नम्बरको मोटरसाईकल र कागजपत्र नभएका ३८ सवारी साधन नियन्त्रण लिएका थिए ।
भण्डारीलाई नेपाल प्रहरी राजमार्ग सुरक्षा तथा ट्राफिक व्यवस्थापन कार्यालयले महिनाको उत्कृष्ट ट्राफिक प्रहरी छनोट कार्यविधि २०७९ अनुसार फागुन महिनाको उत्कृष्ट प्रहरी घोषित गरेको हो ।
उत्कृष्ट प्रहरी भण्डारीलाई लुम्बिनी प्रदेश राजमार्ग सुरक्षा तथा ट्राफिक व्यवस्थापन कार्यालयका प्रमुख, प्रहरी उपरीक्षक कृष्ण प्रसाईँले एक कार्यक्रमका बीच सम्मान गरेका छन् ।