२०८१ साउन ६ गते सोमवार

त्रिभुवन विमानस्थलबाट सवा दुई करोडको सुनका गहनासहित दुई जना पक्राउ



भाद्र ३०।
त्रिभुवन अन्तर्राष्ट्रिय विमानस्थलबाट सवा दुई करोड बढीका सुनका गरगहनासहित दुई जना पक्राउ परेका छन् । सोमबार काठमाडौँबाट श्री एयरलाइन्समा विराटनगर जान लागेका दुई जनालाई तीन किलो तीन सय ३० ग्राम सुनका गरगहनासहित प्रहरीले नियन्त्रणमा लिएको हो ।

पक्राउ पर्नेमा कैलालीका ३० वर्षीय बोधराज भण्डारी र धनुषाका ४७ वर्षीय मुरारीराज अधिकारी रहेका छन् । उनीहरूको झोला एक्सरे मेसिनमा देखिएपछि प्रहरीले नियन्त्रणमा लिएको त्रिभुवन विमानस्थल सुरक्षा प्रमुख प्रहरी वरिष्ठ उपरीक्षक राजेशनाथ बास्तोलाले जानकारी दिए ।

उक्त सुन दुई करोड २४ लाख ९२ हजार ३९७ रुपैयाँ बराबरको रहेको छ सुनसहित पक्राउ परेकाहरूलाई थप अनुसन्धानको लागि राजश्‍व अनुसन्धान विभाग पठाइएको छ ।

प्रकाशित मिति : २०७८ भाद्र ३० गते बुधवार