विनोद मण्डल, असाेज १०। नेपाल सरकारले अदुरदर्शिता कायम गर्दै शिक्षकहरुको हित विपरित ल्याएको ऐनको विरुद्धमा देशभरिका शिक्षकहरु राजधानी केन्द्रित आन्दोलन गर्दै आएको छ ।
देशभरिका शिक्षकहरु आन्दोलनको क्रममा राजधानी पुगेपछि शिक्षक महासंघले सडक आन्दोलनका लागि आह्वान गरेबमोजिम आन्दोलनमा उत्रिएका शिक्षकहरुलाई अलपत्र छोडेर सुटुक्क भागेपछि शिक्षकहरु झन् आन्दोलित भएका छन ।
एउटै विद्यालयमा कार्यरत विभिन्न प्रकारका शिक्षकहरुको मागलाई ख्याल नगरी मुट्ठीभरका शिक्षक महासंघका प्रतिनिधिहरूले सरकारसँग वार्ता गर्दै आन्दोलनबाट भागेपछि सडक झन् तातिएका हुन ।
सरकारी रबैयाका कारण विगतमा शिक्षक महासंघले सरकारसँग गरेका वार्ताहरु हराएर राष्ट्रका धेरै शिक्षकहरु विस्थापित भई उनीहरूको घरबार विहिन भएको अवस्था समेत रहेको पाइन्छ ।
वर्षौ नियमित विद्यालयमा योगदान गर्दै आएका शिक्षकहरुलाई विभिन्न बाहानामा हटाउने प्रक्रियाको थालनी हुन जायज कदापि होइन ।
विद्यालयमा कार्यरत सबैलाई बिना परीक्षा योगदानको आधारमा स्थायी हुनु आजको आबस्यकता हो ।
आफ्ना जायज माग राखेर आन्दोलन गर्दै आएका शिक्षक प्रति प्रहरीद्वारा भएको दमन समाजको लागि राम्रो मानिन्न ।
काठमाडौंको वानेश्वरमा भएको शिक्षकहरुकाे शान्तिपूर्ण आन्दाेलनमा प्रहरीले लाठी चार्ज र धरपकड गरेको छ ।
बौद्धिक वर्गमाथि गरिएको प्रहरी दमनमा आज एक शिक्षिकाको खुट्टा भाचिएको छ ।
प्रहरी दमनले गर्दा पर्साको ठोरी गाउँपालिकामा रहेको ज्ञान ज्योति मा वि घ्याङडाँडाका शिक्षिका संजिता खत्रीको खुट्टा भाचिएको छ ।
शिक्षकहरु आन्दोलनमा उत्रिएका बेला आफूलाई जनताको सरकार कहलाउने माओबादीका शीर्ष नेता प्रचण्डले शिक्षकप्रति भइरहेको अमानवीय ब्यबहारको हालसम्म सम्बोधन गर्न नसक्नुले सरकार फेल भएको स्पष्ट बुझ्न सकिन्छ ।