काठमाडौं ।असाेज ११. सोमबार विराटनगर विमानस्थलमा अवतरणका क्रममा ल्याण्डिङ गियर इण्डिकेटरमा समस्या आएपछि अवतरणमा समस्या आएको बुद्ध एयरले जनाएको छ ।
काठमाडौंबाट विराटनगर उडेको बुद्ध एयरको जहाज अवतरणका क्रममा समस्या आएपछि अवतरण नगरी गन्तव्य स्थलबाटै काठमाडौं फर्किएको थियो ।
बुद्ध एयरको जहाजमा कुल ७३ जना यात्रु सवार रहेका थिए । त्रिभुवन अन्तर्राष्ट्रिय विमानस्थलमा फर्किएको जहाजले धेरै बेरसम्म फन्को मार्यो । धावनमार्गमा फम राखेर अवतरण गर्ने योजना बनाइयो ।
धावनमार्गमा फम राखेर अवतरण गर्ने क्रममा ल्याण्डिङ गियरले काम गरेपछि जहाज अवतरण गरिएको थियो । जहाजले अवतरण गर्न नसकेर समस्या आएपछि जहाजभित्रै यात्रुको रूवाबासी चलेको थियो । यात्रुहरुले बाँच्ने आश मारिसकेको अवतरणपछि भनेका छन् ।
प्रकाशित मिति : २०७८ असोज ११ गते सोमवार