दाङको दंगीशरणमा युवाहरुको समुहबिच कुटाकुट हुदा २ जना घाइते भएका छन् । घाइते हुनेमा दंगीशरण गाउँपालिका–४ का २६ बर्षीय तेज भण्डारी र २५ सन्तोष चौधरी रहेको इलाका प्रहरी कार्यालय तुलसीपुरले जानकारी दिएको छ । घाइतेहरुको शरिरका विभिन्न भागमा चोट लागेको छ । उनीहरुको आँखामासमेत चोट रहेकाले राप्ती आँखा अस्पताल रक्षाचौर र राप्ती प्रादेशिक अस्पताल तुलसीपुरमा उपचार भइरहेको छ ।
कुटपिटमा संलग्न रहेको आरोपमा प्रहरीले ७ जनालाई पक्राउ गरेको छ । पक्राउ पर्नेमा सोही ठाउँका स्थानिय चौधरी समुदायका युवाहरु रहेको प्रहरीले जनाएको छ । उनीहरुलाई इलाका प्रहरी कार्यालय हेकुलीको टोलीले नियन्त्रणमा लिएर इप्रका तुलसीपुर पठाएको छ । पिडित पक्षका अनुसार दंगीशरण–४ को बैबाङमा गएराती १० बजेको समयमा दुई पक्षबिच बिवाद हुदा कुटपिटको अवस्था सृजना भएको हो ।।
प्रकाशित मिति : २०८१ चैत्र २९ गते आइतवार