दाङको तुलसीपुर–४ रक्षाचौरमा रहेको गुरु जजुर नमुना माध्यामिक विद्यालयकी दृष्टीबिहिन शिक्षिका सान्ता शर्माले एकलाख बढिको अक्षयकोष स्थापना गर्नुभएको छ । आफ्ना स्वर्गिय आमाबुबाको स्मृतिमा उहाँले सोही विद्यालयमा जनार्दन–पवित्रा’ स्मृति अक्षयकोष स्थापना गर्नुभएको हो । अनाथ तथा टुहुरा बालबालिकाहरुलाई छात्रवृति प्रदान गर्ने उदेश्यले १ लाख १ हजार बराबरको अक्षयकोष स्थापना गरिएको उहाँले बताउनुभयो । उक्त रकमबा आएको ब्याजले अनाथ तथा टुहुरा बालबालिकाहरुमध्यबाट १ जना छात्र र १ जना छात्रा गरी २ जनालार्र्ई छात्रवृति प्रदान गरिने शिक्षिका शर्माको भनाई छ ।
सानैदेखी गरिब, दुखीलाई सहयोग गर्ने सोच रहदै आएकोमा अहिले सानो अक्षयकोष स्थापना गरी टुहुरा बालबालिकालाई सहयोग गर्ने अवसर पाउदा अत्यन्तै उत्साहित भएकोसमेत उहाँले बताउनुभयो । अक्षयकोषबाफतको एकलाख एकहजार रुपैयाँ आज एक कार्यक्रमकाबिच विद्यालयकी प्रधानाध्यापक विष्णु कुमारी के.सीलाई हस्तान्तरण गरिएको छ । यसअघि विद्यालयमा अन्य विभिन्न व्यक्तीहरुले अक्षयकोष स्थापना गरेपनी स्टाफमध्यबाट भने यो पहिलो अक्षयकोष भएको प्रअ विष्णु कुमारी के.सी बताउनुभयो । यसले गर्दा विद्यालयका अन्य शिक्षक शिक्षिकाहरुलाई पनि थप प्रेरणा प्रदान भएको उहाँले बताउनुभयो ।।
