फाल्गुन १० बिद्यालयको शैक्षिक गुणस्तरलाई वृद्धि गर्ने अभियानमा सहयात्री बन्ने पबित्र अभिलाषाले सामाजिक कार्यमा अग्रसर धादिङ नि–वासी शर्मिला तामाङ १ सय बढी विद्यार्थीहरुलाई ट्र्याक सुट वितरण गरेकी छन । आफ्नै गाउँको महेन्द्र बाराही मा.वि. नेत्रावती डबजोङ गाउँपालिका ५ कटुञ्जे, धादिङका कक्षा ६ सम्मका एक सय बढी बिद्यार्थीलाई ट्रयाक सुट बितरण गरेकी हुन ।
पुर्खेउली घर धादिङ मै भए पनि करिब २ दशक लामो समय देखि काठमाडौंमा बस्दै आएकी तामाङले आफू बचपनमा पढ्न नअपाए पनि आफ्नै गाउँको विद्यालयका विद्यार्थीहरुलई सहयोग गर्न पाउँदा खुसी लागेको बताइन । कलिला मुनाको मुहारको खुसीले अझ आगामी दिनमा समाजिक कार्य गर्ने प्रेणा प्राप्त भएको महसुस भएको उनले बताएकी छिन । ‘प्रसस्त धन सम्पत्ति भएर होईन, आफू सँग केही नहुदा पनि सेवामा तत्पर रहने गरेकी छु । यसले मलाई खुसी र सन्तुष्टि दिलाउँछ ।’ उनले भनिन ।
उनी गायिका पनि हुन लोक दोहोरी र तामाङ भाषाका गितहरूमा स्वर भरेकी छन् । विभिन्न संघ संस्थामा आबद्ध समेत रहदै आएकी तामाङले आगामि दिनमा पनि यस्तै सामाजिक कार्यहरूमा अग्रसर रहने बताएकी छिन् ।
वितरण कार्यक्रममा विद्यालयका शिक्षकहरू जनप्रतिनिधि, अभिभावक लगायतको उपस्थिति रहेको पत्रकार भूपेन घर्ती मगरले हामीलाई जानकारी दिनुभएको छ।