२०७९ मङ्सिर २० गते मङ्गलवार

फाइनलमा हारेपछि युभेन्टसका बोनुचीद्वारा इन्टरका सचिवमाथि हातपात




पुस २९


बुधबार राति भएको खेलमा सर्वाधिक धेरै नौ पटकको विजेता युभेन्टमाथि २–१ गोलको जित निकाल्दै इन्टरले उपाधि जितेको छ । सान सिरोमा भएको खेलमा इन्टरलाई जिताउन लाउटारो मार्टिनेज र एलेक्सिस सान्चेजले एक–एक गोल गरे । युभेन्टसका वेस्टन एमसिकेनीको गोल सान्त्वना बन्यो ।

खेलमा युभेन्टसले सुरुआती अग्रता बनाएको थियो । २५औँ मिनेटमा एमसिकेनीले गोल गर्दै युभेन्टसलाई अग्रता दिलाए । तर ३५औँ मिनेटमा इन्टरले बराबरी गोल गर्ने अवसर पायो । इन्टरले पाएको पेनाल्टीमा मार्टिनेजले गोल गर्दै घरेलु टिमलाई खेलमा फर्काए ।

खेलको निर्धारित समय १–१ गोलको बराबरीमा सकिएपछि खेल अतिरिक्त समयमा धकेलियो । अतिरिक्त समयको पनि इन्ज्युरी समयमा सान्चेजले गोल गर्दै इन्टरलाई उपाधि दिलाएका हुन् ।

इटालियन क्लब युभेन्टसका डिफेन्डर लियोनार्दो बोनुचीले इटालियन सुपर कपको फाइनलमा हारेपछि इन्टर मिलानका सचिवमाथि हातपात गरेका छन् । अतिरिक्त समयको इन्ज्युरी समयमा गोल खाएपछि टचलाइनमा रहेका इन्टरका सचिव क्रिस्टियानो मोजिल्लोलाई हातपात गरेको इटालियन मिडियाले जनाएका छन् ।

फाइनल भिडन्तको अन्त्यतिर २–१ ले गोलले पछि परेको अवस्थामा बोनुकीले बेन्चबाट उठेर आएर मोजिल्लोलाई धेकेलेका थिए । बोनुकी फाइनल खेलमा वैकल्पिक खेलाडीका रूपमा बेन्चमा बसेका थिए । उनले मैदान प्रवेश गर्न पाएनन् । सोही रिस इन्टरका सचिवमाथि देखाएका हुन् ।

प्रकाशित मिति : २०७८ पुष २९ गते बिहिवार