२०८० फाल्गुन २१ गते सोमवार

अमेरिकामा एकै दिन एक हजार आठ सय ७० सङ्क्रमितको मृत्यु



भाद्र ३०।
कोरोना महामारीका कारण विश्वमा सबैभन्दा बढी प्रभावित बनेको मुलुक अमेरिकामा एकै दिन एक हजार आठ सय ७० जना सङ्क्रमितको मृत्यु भएको छ ।

पछिल्लो २४ घण्टाभित्र अमेरिकामा मृत्यु हुने कोरोना भाइरस सङ्क्रमितको सङ्ख्या अरु मुलुकको भन्दा अत्याधिक धेरै हो । अरु मुलुकमा एकै दिन आठ सयभन्दा कम सङ्क्रमितको मृत्यु भएको छ । अमेरिकामै मृतक सङ्ख्या केही दिनयताकै उच्च हो ।

विश्वमा विभिन्न मुलुकमा दैनिक मृत्यु दरमा उतारचढाव कायमै छ । अमेरिकामा हालसम्म कोरोनाका कारण छ लाख ८२ हजार दुई सय ७५ जनाको मृत्यु भएको छ । अमेरिकामा दैनिक थपिने सङ्क्रमितको सङ्ख्या पनि घटबढ भइरहन्छ ।

पछिल्लो २४ घण्टामा अमेरिकामा एक लाख २३ हजार एक सय २१ जना नयाँ बिरामी थपिए । यो सङ्ख्या केही दिनयताकै उच्च हो । अमेरिकामा हालसम्म चार करोड २२ लाख ६६ हजार छ सय ७७ जनामा सङ्क्रमण यकिन भइसकेको छ ।

प्रकाशित मिति : २०७८ भाद्र ३० गते बुधवार