असार.२४– युरोपियन फुटबल महासङ्घ (यूईएफए) ले युरो कप फुटबलको दोस्रो सेमिफाइनलमा इङ्ल्यान्डले र डेनमार्कबीचको खेलमा खेल भावना विपरीत गतिविधि भएको भन्दै छानबिन सुरु _ ।
खेलको अतिरिक्त समयमा इङ्ल्यान्डका ह्यारी केनले पेनाल्टी प्रहार गर्नुअघि डेनमार्कका गोलकिपर कास्पर स्माइकललाई लक्षित गरेर दर्शकबाट कास्परको अनुहारमा पर्ने गरी ‘लेजर लाइट’ को प्रयोग भएको थियो । यसलाई खेल भावना विपरीत भएको भन्दै यूईएफएले छानबिन थालेको हो ।
स्माइकलले केनले प्रहार गरेको पेनाल्टी रोकेको थियो तर रिबाउन्डमा केनले गोल गर्दै इङ्ल्यान्डलाई जिताएका थिए ।
यस्तै डेनमार्कको राष्ट्रिय गानका क्रममा समर्थकले होहल्ला गर्दै अशान्ति फैलाएको विषयमा पनि यूईएफएले छानबिन सुरु गरेको छ ।
प्रकाशित मिति : २०७८ असार २४ गते बिहिवार