वीरगन्ज। पर्सा जिल्लाको पकाँहामैनपुर गाउँपालिका वडा नं -५ सबैठवामा हाजिरी जवाफ प्रतियोगिता, खेलकुद तथा नृत्यकला सम्पन्न भएको छ।
कार्यक्रम शिवपुजन प्रसाद चौरसियाको प्रमुख अतिथिमा सम्पन्न भएको थियो र साथै बालदिवसको अवसरमा वक्तित्वकला, नृत्यकला, कबडी, संगीत कुर्सी खेल तथा हाजिरी जवाफ प्रतियोगिता समेत भएको थियो।
६० औं बालदिवसको अवसरमा पकाहामैनपुरको सबैठवामा श्री सरस्वती टिउसन सेन्टर बाट विभिन्न प्रकारका खेलकुद, नृत्यकला तथा प्रतियोगिता सुसम्पन्न भएको कार्यक्रम सञ्चालक तथा पकाँहामैनपुर संघर्ष युवा समाजका अध्यक्ष आदित्य शर्माले जानकारी दिएका हुन्।
त्यस्तै हाजिरी जवाफ प्रतियोगिता , खेलकुद लगायत अन्य कार्यक्रम गरिएको र बालबालिकाहरुको मनोबल बढाउदैं आगामी दिनका लागि शुभकामना प्रदान गर्दै प्रथम, द्वितिय र तृतिय गर्नेलाई पुरस्कार वितरण गरेका ट्युसन सेन्टरका अध्यक्ष सरोज शर्माले जानकारी गराएका हुन्।
त्यसतै कार्यक्रममा सहभागी ल्याब प्रमुख राजु कुमार चौरसिया, युवा नेता रवीन्द्र चौरसिया, विजय कुमार सहनी लगायत धेरैको उपस्थिति भएको थियो।
