२०८० फाल्गुन ९ गते बुधवार

ठठीया ईलाका प्रहरी कार्यालयको भवन जीर्ण



विनोद मण्डल, कार्तिक ९ । सिरहाको धनगढीमाई १२ ठठीया वरपिपल स्थित रहेको ईलाका प्रहरी कार्यालयको भवन जीर्ण अवस्थामा भएपनि हालसम्म उक्त ठाउँको कार्यालय ब्यबस्थापनका लागि कुनै ठोस पहल भएको छैन ।

वर्षाको समयमा छानामा त्रिपाल राखेर बस्न र खान विवस नेपाल प्रहरीले वाडा कार्यालयको भवनको माथिल्लो तल्ला र वाडा अध्यक्ष बस्ने साइडको पूर्व तिरको कोठा ओगटेर नियमित बस्दै गर्दा आम जनताको कामकाजमा असहजता उत्पन्न भइरहेको छ ।

समाजलाई सुरुक्षा प्रदान गर्दै आएका नेपाल प्रहरीको घरको हालत यस्तो भइरहँदा पनि निकाय मौन रहेको छ ।

नेपाल प्रहरीको आफ्नो जग्गा भएपनि हालसम्म कार्यालय निर्माणको कुनै ठोस पहल थालिएको छैन ।

कार्यालय ब्यबस्थापनका बारेमा जिल्ला प्रहरी कार्यालय सिरहालाई पटक पटक भेटेर सम्पर्ग गर्दा ” सितापुर र विष्णुपुर प्रहरी कार्यालयको भवन निर्माणका लागि कानूनी प्रक्रिया पूरा भएको र टेण्डर बाकी रहेको ” बताउँदै आएको वर्षौ भएपनि हालसम्म भवन निर्माणको कुनै ठोस कदम चालिएको छैन ।

प्रकाशित मिति : २०८० कार्तिक ९ गते बिहिवार