२०८१ असार १२ गते मङ्गलवार

सामाजिक रुपान्तरणका अग्रणी भूमिका निर्वाह गर्दै पाण्डे



विनोद मण्डल, भदौ २८ ।

लुम्बिनी प्रदेशको पछिम नवलपरासीको रामग्राम नगरपालिकाको एउटा बस्तीबाट साहित्य ,सिर्जना अनि सामाजिक रूपान्तरणका लागि अग्रणी भूमिका निर्वाह गर्दै आएका छन् रवि पाण्डे ।

समाजमा व्याप्त भ्रष्टाचार , कुरीति अनि समाजका विकृति,विसंगति र बेथितिका बारेमा खुलेर बोल्ने साहासिक युवा हुन पाण्डे ।

समाजका दबिएका आवाजहरुलाई उजागर गरेर तार्किक ढंगले आफ्ना प्रस्तुति राख्दै आएका पाण्डेलाई स्थानिय जनताले आफ्ना प्रतिनिधिको रूपमा बुझ्न थालेका छन ।

स्थानिय पर्यटन लगायतको क्षेत्रको उजागरमा समय खर्चिदै आएका पाण्डेले निःशुल्क बिरुवा वितरण गरेर पर्यावरणीय सन्तुलनका लागि आफ्ना प्रयास जारी राखेका छन् ।

नवलपरासीको परासी सदरमुकाम स्थित रामग्राम नगरपालिका अन्तर्गत बाइपास घोरपाली स्थायी घर भएका पाण्डेको सामाजिक कार्य यतिबेला चर्चाको शिखरमा रहेको छ ।

समाजमा सकारात्मक परिवर्तनका लागि अग्रणी भूमिका निर्वाह गर्दै आएका पाण्डेको ब्यक्तित्व क्षविका कारण यतिबेला उनलाई आम मानिसको काम गर्न भ्याई न भ्याई भइरहेको छ ।

सबैलाई समान ब्यबहार र हरेक समस्यालाई गम्भीर भई बुझेर सिर्जनात्मक ढंगले समस्याको समाधान खोज्ने प्रयास गरिरहेका पाण्डले स्थानिय विकास निर्माण प्रति गम्भीर भएर पटक पटक प्रस्तुत हुँदै आएका छन् ।

समाजलाई असर गर्ने तत्वहरूको विरुद्धमा आफ्ना खरो विचार राख्ने र परिस्थिति अनुसार तत्काल संघर्षमा उत्रिन नडराउने उही साहासिक युवा नेतृत्व पाण्डेको चौतर्फी प्रसंशा भइरहेको अवस्था रहेको छ ।

रामग्राम नगरपालिकामा युवाहरुले उनलाई आफ्ना प्रिय पात्रका रूपमा बुझ्न थालेका छन् ।

स्थानिय टोल बस्तिका हरेक समस्यालाई नजिकबाट बुझेर सिर्जनात्मक ढंगले समाधानका उपायहरू खोज्दै अगाडि बढिरहेका छन् ,चर्चित युवा रवि पाण्डे ।

प्रकाशित मिति : २०८० भाद्र २८ गते बिहिवार