२०८१ असार २९ गते शनिवार

अस्थायी ट्राफिक प्रहरी पोष्ट जसपुरले ट्राफिक नियम सम्बन्धि जनचेतनामुलक कार्यक्रम गदै



भदौ २५ दाङको अस्थायी ट्राफिक प्रहरी पोष्ट जसपुरले विभिन्न स्थानमा गएर ट्राफिक नियम सम्बन्धि जनचेतनामुलक कार्यक्रमहरु गर्दै आएको छ । अस्थायी ट्राफिक प्रहरी पोष्ट जसपुरका प्रमुख प्रहरी सहायक निरीक्षक (असई) बिक्रम विकको नेतृत्वमा खटिएको ट्राफिक प्रहरीले तुलसीपुर १२ को सुकौरा, डिल्ली बजार लगाएका गाउँहरुमा गएर दुर्घटना न्युनिकरण सम्बन्धि सचेतनामुलक कार्यक्रमहरु गर्दै आएको देखिएको हो । ट्राफिक प्रमुख विक र ट्राफिक प्रहरी सहायक हवल्दार जिवलाल भुषालस हितको टोलीले गाउँटोलमै पुगेर सवारी चालक र सडक प्रयोगकर्ताहरुलाई सवारी दुर्घटनाबाट कसरी बच्न सकिन्छ भन्ने विषयमा जानकारी दिदै आउनुभएको छ ।

यसरी जनस्ततरका नागरिकहरुलाई ट्राफिक नियम सम्बन्धि जानकारी गराउदा दुर्घटना न्युनिकरणमा ठुलो सहयोग पुग्ने देखिएको छ । गाउँगाउँमा गएर ट्राफिक प्रहरीले दुर्घटना न्युनिकरण सम्बन्धि कार्यक्रम गर्दै आएको देख्दा धेरै खुसी लागेको सवारी चालक तथा स्थानियहरुले बताएका छन । यसबाट ट्राफिक नियम सम्बन्धि धेरै कुरा सिकेको उनीहरु बताउछन यसरी ट्राफिक प्रहरीले नागरिकलाई ट्राफिक नियम सम्बन्धि सुचित गराएको प्रति निकै उत्साहित हुदै स्थानियहरुले यसको जिम्मेवारी ट्राफिक प्रहरीको मात्रै नभएर आम नागरिकको भएको भन्दै सबै नागरिक जिम्मेवार भएर यस्ता कार्यक्रमहरुलाई सहयोग गर्नुपर्नेमा उनीहरुले जोड दिएका छन । यसले गर्दा सम्भावित दुर्घटनाबाट समेत बच्न सकिने अपेक्षा लिएको स्थानियको भनाई छ । दुर्घटना न्युनिकरण सम्बन्धि कार्यक्रममा ट्राफिक प्रमुख बिक र ट्राफिक सहायक हवल्दार भुषालले सवारी चालकहरुलाई क्षमता भन्दा बढि सवारी नबोक्ने, सवारीसाधन ओभरस्पिड नचलाउने, ओभरलोड नबोक्ने, नियम अनुसासनको पालना गर्ने, सवारी चालक अनुमती पत्र लिएर मात्रै सवारीसाधान चलाउने, मादक पदार्थ सेवन गरेर सवारीसाधन नचलाउने, सवारीसाधन चलाउदा हेल्मेटको प्रयाेग अनुरोध गर्नु भएको थियो

प्रकाशित मिति : २०८० भाद्र २५ गते सोमवार