२०८१ असार ३ गते आइतवार

लुम्बिनी प्रदेशमा जनयुद्ध तथा जनआन्दोलनका घाइतेहरुकालागि स्याहार केन्द्र निर्माण गर्ने



दाङ,१७ कार्तिक ।
लुम्बिनी प्रदेशमा जनयुद्ध तथा जनआन्दोलनका घाइतेहरुकालागि स्याहार केन्द्र निर्माण हुने भएको छ । त्यसकालागि जग्गा खोजीको कार्य भइरहेको छ । प्रदेश स्तरीय स्याहार केन्द्र स्थापनाकालागि राजधानी क्षेत्रमा जग्गा खोजीको कार्य भइरहेको प्रदेशका अर्थमन्त्री धनबहादुर मास्कीले बताउनुभयो ।

उहाँका अनुसार राप्ती गाउँपालिकाका विभिन्न क्षेत्रमा जग्गाको अवलोकन गरिएको छ।“ जनयुद्ध तथा जनआन्दोलनका घाइतेहरुकालागि स्याहार केन्द्र स्थापनाकालागि हामीले जग्गा खोज्ने काम गरिरहेका छौं,राजधानी क्षेत्रको राप्ती गाउँपालिकाका विभिन्न ठाउँमा जग्गाको अवलोकन गरेका छौं”,उहाँले भन्नुभयो“जग्गा प्राप्तीसंगै प्रक्रिया अघि बढ्छ ।”
स्याहार केन्द्र स्थापनाकालागि २० विघा जति जग्गा चाहिने उहाँले बताउनुभयो । घाइते परिवारलाई जीवन यापनमा समस्या हुने गरेकाले एउटै स्थानमा राखेर स्याहार पनि गर्ने र आयआर्जनमा पनि जोड्ने गरि स्याहार केन्द्र निर्माण गर्न लागिएको मन्त्री मास्कीको भनाई छ ।त्यसकालागि प्रदेश सरकारले चालु आर्थिक वर्ष २०८०/०८१ मा दुई करोड बजेट विनियोजन गरेको छ ।

प्रकाशित मिति : २०८० कार्तिक १७ गते शुक्रवार