असाेज २० कालिञ्चोक माविको जग्गा अतिक्रमण स्थानीयद्वारा सत्य तथ्य बाहिर ल्याउन माग ।।।
थाङ्मीचागु डट कम असाेज १९ । दोलखा जिल्लाको विगु गाउँपालिका वडा नम्बर ८ मा रहेको श्री कालिञ्चोक माविको जग्गा अतिक्रमणमा परेको स्थानियको भनाई रहेको छ ।
सार्वजनिक विद्यालयको जग्गा स्थानिय सरकार बिगु ८ खोपाचागुको वडा अध्यक्ष हिरा धन्बिर थामीले अतिक्रमण गरेर भौतिक संरचना बनाएको स्थानियको आरोप रहेको छ ।
विद्यालयको जग्गा मिचेर आफ्नो निजी शौचालय र घर प्रयोजनका लागि स्टोर खडा गरेका वडा अध्यक्ष हिरा धन्बिरसंग डराएर कोही बोल्ने आँट र हिम्मत नगरेको अवस्थामा विद्यालयको सार्वजनिक जग्गा मिचिएको खवर सार्वजनिक भएपछि सत्य तथ्य बाहिर ल्याउनका लागि स्थानियले माग गर्दै आएका छन ।
विद्यालय परिसरमा रहेको जग्गालाई पूर्व गाउँविकास समिति अध्यक्ष तथा विद्यालय ब्यबस्थापन समितिका अध्यक्ष समेत रहेका सार्की मान थामी र वाडा अध्यक्ष हिरा थामीको एकलौटी निर्णायका कारण उक्त सार्वजनिक जग्गा मिचिएको स्थानियले आरोप लगाएका छन् ।
विद्यालयको सार्वजनिक जग्गा कब्जामा राखेर समाजलाई चुनौती दिँदै आएका वडा अध्यक्ष थामिको बारेमा न्यायिक निकायले अनुसन्धान गर्न जरुरी रहेको देखिन्छ ।
राजनीतिक शक्तिको आडमा उनले सार्वजनिक जग्गालाई कब्जामा लिएपनि हालसम्म उक्त जग्गाको बारेमा शोध खोज हुन सकेको छैन ।
वास्तविक वस्तु स्थितिको बारेमा बुझेर जग्गा अतिक्रमण भएको हो वा होइन त्यसमा स्थानिय राजनीतिक दलका प्रतिनिधिहरु समाजसेवी बुद्धिजीवी विभिन्न सरोकारवाला निकायहरुलाई सक्रिय भएर काधमा काध थापेर अघि बढ्न जरुरी एकातिर छ भने अर्कोतिर अनुसन्धानमा आरोपित व्यक्तिहरू पनि सहभागी भएर अगाडि आउनु पनि उत्तिकै जरुरी छ ।